မတ် ၁၁-၂၀၂၁
KLY(VOM)
ဒီနေ့ မတ်လ ၁၁ရက်နေ့ မနက် ၁၁ နာရီကျော်လောက်မှာ ပဲခူးမြို့ မဇင်းရပ်ကွက် ၁ လမ်း သပိတ်စစ်ကြောင်းကို စစ်တပ်နဲ့ရဲက ပစ်ခတ်ဖြိုခွဲခဲ့တဲ့အတွက် စကားမပြောတတ်သူတစ်ဦး ဦးခေါင်းကျည်ထိမှန် သေဆုံးပြီး တစ်ဦးထိခိုက်ဒဏ်ရာ ရခဲ့တယ်လို့ မြို့ခံတွေဆီက သိရပါတယ်။
“ရွှေအလို့ခေါ်တဲ့အမျိုးသားက ဆန္ဒပြပွဲလိုက်လာသူမဟုတ်ဘူး။ ရုတ်ရုတ်ဖြစ်
ချိန် ပစ်ခတ်ဖြိုခွဲတာတွေ ကြည့်နေရင်း အပစ်ခံရတာ။ တစ်ဦးလည်း ကျည်ထိမှန်ထားပြီး ဖမ်းစီးစာရင်း မဇင်းဖြစ်စဉ် မသိရသေးဘူး” လို့ ပဲခူးမြို့ခံ တစ်ဦးကပြောပါတယ်။
ဒီနေ့မနက်ပိုင်းက ပဲခူးမြို့မှာ သပိတ်စစ်ကြောင်းတွေ ခွဲထုတ်ကာ နေရာအလိုက်ဆန္ဒဖော်ထုတ်ခဲ့ကြပြီး မနက် ၉ နာရီလောက်မှာ ဘုရားလမ်းသပိတ်စစ်ကြောင်း မျက်ရည်ယိုဗုံးတွေနဲ့ ပစ်ခတ်ဖြိုခွဲခဲ့ပြီး နောက်ထပ် နှစ်နာရီခန့်အကြာမှာ မဇင်းရပ်ကွက် ၁ လမ်းသပိတ်ကို ထပ်မံဖြိုခွဲခဲ့တာ ဖြစ်ပါတယ်။
ဘုရားလမ်းသပိတ်စစ်ကြောင်းကို ဖြိုခွဲခံရပြီးနောက် တဦးဒဏ်ရာရပြီး ဆရာမအချို့အပါအဝင် လူသုံးဆယ်နီးပါး ဖမ်းဆီးခံထားရသလို မဇင်းရပ်ကွက် သပိတ်စစ်ကြောင်းကို ဖြိုခွဲရာမှာတော့ ဒဏ်ရာရသူတစ်ဦးနဲ့ သေဆုံးသူတစ်ဦး ရှိခဲ့တာပါ။
#VoiceOfMyanmar #VOM #ပဲခူး #သပိတ် #ဖြိုခွဲ #သေဆုံး #ဒဏ်ရာရ #စကားမပြောတတ်သူ
